Búkilálemdik júgirýge qatysýshylar qaıyrymdylyqqa 3 mln eýro jınady
BAKÝ. QazAqparat - Bıylǵy jyly Wings for Life World Run qaıyrymdylyq maqsatyndaǵy júgirýge Ázerbaıjandy qosqanda 66 elden 100 myń adam qatysty. Entýzıaster jınaǵan barlyq jarna julyn jaraqatyn zertteýge, ony emdeý joldaryn izdeýge jumsalady.
AZERTADJ agenttiginiń habarlaýynsha, Bakýde ótken básekede 28,35shaqyrymǵa júgirgen Anna ıÝsýpova jeńimpaz atanǵan.
Al erler arasynda 25 shaqyrymdy erkin baǵyndyrǵan Sýleıman Alıevtiń mereıi ústem boldy.
Aıta keter jaıt, júgirýge nıet qylǵandardyń bári, múgedekter arbasyna tańylǵan jandar qatysady.
Ol búkil álemde bir ýaqytta jáne aýa raıyna qaramaı bastalady. Sportshylar máreden shyqqan sátten jarty saǵattan soń olardyń artynan avtomobıl júredi. Aldymen ol saǵatyna 15 shaqyrymdyq jyldamdyqpen júredi, sodan keıin ulǵaıta bastaıdy.
Qatysýshylar avtomobıl qýyp jetkende jarystan shyǵýlary tıis.
Al múgedek arbasymen bárinen uzaqqa júgirgen adam jeńimpaz atanady.
Álem boıynsha júgirýde áıelder arasynda portýgalııalyq sportshy Vera Nýnesh úzdik kórsetkishke qol jetkizdi. Ol Germanııada 54 shaqyrym qashyqtyqty baǵyndyrdy.
Al erler arasynda múgedek arbasyndaǵy shvedtik Aron Andersonnan ozan jan bolmady.
Ol AQSh-taǵy júgirýge qatysyp, 90 shaqyrymdy artqa tastaǵan. Aıta keteri, Anderson ekinshi jyl qatarynan jeńimpaz atanyp otyr.
Jalpy alǵanda qatysýshylar 900 myń shaqyrymnan astam qashyqtyqqa júgirgen.
Jarystyń arqasynda 3 mıllıon eýro jınaldy. Bul shara osymen besinshi ret uıymdastyrylyp otyr.
