Búkilálemdik WSB boks serııasynyń fınaly Astanada ótedi
ASTANA. 5 naýryz. QazAqparat -Búkilálemdik WSB boks serııasynyń úshinshi maýsymynyń fınaly bıylǵy jyldyń mamyr aıynda Astana qalasynda ótedi. Bul týraly astana.kz saıty qalalyq Týrızm, dene tárbıesi jáne sport basqarmasyna silteme jasap habarlady.
«Atalǵan másele «Astana Arlans» pen «German Eagles» osynda qorytyndy jekpe-jekterin ótkizip, taraptar túpkilikti sheshimge kelgennen keıin ǵana belgili boldy. Qazaqstandyq klýbtyń bas dırektory Bolat Mankenovtiń aıtýynsha, mundaı iri oqıǵany ótkizý týraly usynys osydan úsh aı buryn WSB men AIBA tarapynan tústi. Sodan keıin fınaldyń áleýetti qojaıyndary klýbtyń qadaǵalý keńesimen kelissózder júrgize bastady. Usynysty «Astana» prezıdenttik kásibı sport klýby da qoldady», - delingen habarlamada.
«Aldymyzda Qazaqstanda ótkizilýi josparlanǵan úlken is-sharalar (Boks Akademııasynyń ashylýy, Almatyda kúzde bokstan álem chempıonatynyń ótýi) tur. Qazir álemdik sport qaýymdastyǵynyń nazary bizdiń elge aýǵan. Sondyqtan, WSB fınalyn Astanada ótkizýge sheshim qabyldansa, oǵan esh tańǵalýdyń qajeti joq», - degen bolatyn Bolat Mankenov.
Qazaqstandyq klýb V tobyndaǵy týrnır kestesiniń birinshi jolynan Búkilálemdik boks serııasynyń pleı-offine shyqqandyǵyn atap aıtqan jón. «Astana Arlans» alǵashqy shırek fınalyn 22-23 naýryzda «Argentina Condors» nemese «Russia Boxing team»-ge qarsy ótkizedi. Qos komandada 1/4 fınalǵa shyǵýǵa úmitti.
Eske salsaq, Búkilálemdik boks serııasynyń fınaly buǵan deıin Gýııang (Qıtaı, 2011) jáne London (Ulybrıtanııa, 2012) qalalarynda ótkizilgen bolatyn.
