Búkilálemdik World Press Photo fotobaıqaýy jeńimpazdarynyń kórmesi Astanada ashylady
ASTANA. 9 jeltoqsan. QazAqparat - Astanadaǵy «Kerýen» saýda oıyn-saýyq ortalyǵynda fotojýrnalısterdiń búkilálemdik baıqaýy jeńimpazdarynyń kórmesi ashylady,
dep habarlady Quqyqtyq medıa-ortalyqtan.
Ekspozıtsııa halyqaralyq adam quqyǵyn qorǵaý kúnin merekeleýge arnalǵan. Ortalyq Azııada ol birinshi ret tanystyryldy. Bul kórmege shamamen 150 jeńimpazdyń jumysy engen. Atalmysh shyǵarmalar 2012 jyl ishindegi álemde bolǵan basty oqıǵalardan habardar etedi. Elordadaǵy kórmeni qazaqstandyqtar 10-26 jeltoqsan aralyǵynda, sondaı-aq Qaraǵandyda 28 jeltoqsannan 11 qańtarǵa deıin tamashalaı alady.
Bul jyl saıyn ótetin fotojýrnalıstıkanyń eń tanymal baıqaýy, ol óz isiniń naǵyz sheberlerin anyqtaıdy. Jyl saıyn táýelsiz sarapshylar úmitkerlerdiń jumystaryn 9 túrli sanat boıynsha baǵalaıdy. Munda álemniń túkpir-túkpirindegi agenttikter, gazetter men jýrnaldar, fotojýrnalıster óz shyǵarmalaryn usynady. Bıylǵy jyly tóreshiler álemniń 124 elinen 5 myń fotosýretshiniń 103 myńnan astam fotosýretin eksheýden ótkizdi.
