Búkilálemdik sý tapshylyǵynyń sheshimin tapqan kisige 1 mln. dollar syıaqy beriledi
ASTANA. QazAqparat - BAÁ Premer-mınıstri men Dýbaı basshysy atalǵan máseleni sheshý joldaryn usynǵan ónertapqyshqa 1 mln. dollar kóleminde halyqaralyq grant bólip otyr, dep jazady e-islam.kz.
Sonymen qatar Dýbaı sheıhi Muhammad ben Rashıd ál Maqtým kún energııasyn paıdalana otyryp sý tapshylyǵyn retteıtin ınnovatsııalyq arzan jobalardyń qoryn qurǵanyn málimdedi. Bıylǵy Ramazannyń qurmetine Dýbaı sýdan tapshylyq kórip otyrǵan álemdegi 5 mln. halyqty taza sýmen qamtýǵa qarjy qoryn jasaqtaǵan. Bul jobaǵa ámirliktiń turǵyndary, jeke kásipkerler men memorgandar qatynasqan bolatyn. 18 kúnniń ishinde 48 mln. dollar jıyp úlgergen Dýbaı basshylyǵy bul qarajatqa sý zardabyn tartyp otyrǵan aımaqtarǵa nasostar ornatyp, sý uńǵymalaryn salýdy josparlap otyr.
