Búkilálemdik shahmat Olımpıadasynda qazaqstandyqtar sátti oıyn kórsetti
ASTANA. QazAqparat - 1-14 tamyz aralyǵynda Norvegııanyń qalasy Tromsede búkil álemnen eki myńnan artyq shahmatshylardyń qatysýymen 41-shi Búkilálemdik shahmat Olımpıadasy ótti.
Olımpıada 11 týrdan quraldy. Dodaǵa álemniń halyqtyq komandalarynan 177 erler jáne 136 áıelder qatysty. Sport álemde shahmat Olımpıadasy tulǵalylyqqa qaraı Olımpıada oıyndary men jeńil atletıka jónindegi álemdik chempıonatynan keıin úshinshi oryn alady.
Qazaqstannyń erler qurama komandasynan Ánýar Ismaǵambetov, Pavel Kotsýr, Petr Kostenko, Rýstam Hýsnýtdınov jáne Aslan Aıtbaev qatysty. Al áıelder qurama komandasyna Jansaıa Ábdimálik, Dınara Sádýaqasova, Mádına Dáýletbaeva, Gúlishan Nahbaeva jáne Gúlmıra Dáýletova baqtaryn synady. D.Sádýaqasova shahmattan Ortalyq Azııadaǵy birden-bir halyqaralyq sheber bolsa, J.Ábdimálik - shahmat tarıhynda áıelder arasynda eń jas halyqaralyq grossmeıster.
Olımpıada nátıjesi boıynsha Qytaı erler quramy jáne Reseı áıelder quramasy birinshi komandalyq oryndar alyp, altyn utyp aldy.
Qazaqstandyq qurama Olımpıada basynan sátti oıyn kórsetti. Qazaqstannyń áıelder quramasy birinshi ret eń úzdik shahmat komandalarynyń altylyǵyna endi. G.Dáýletova jeke kórsetkishte besinshi taqtada qola utyp aldy. D.Sádýaqasova barlyq 11 týrda jeńiske jetti (8.5 upaı).
41-shi shahmat Olımpıadasynyń qorytyndysy boıynsha qazaqstandyq qurama birinshi ret 2015 jyly naýryz aıynda Qytaıda ótetin álem chempıonatyna mamandady.
Odan basqa, Olımpıada sheńberinde alǵash ret buryn Máskeýde FIDE ókildigin basqarǵan Qazaqstan ókili B.Balǵabaev Orta Azııa aımaǵy boıynsha azııalyq shahmat federatsııasynyń vıtse-prezıdenti bolyp saılandy.
FIDE prezıdenti K.Ilıýmjınov qazaqstandyq quramany Olımpıadadaǵy jeńisti oıynymen quttyqtady. Norvegııadaǵy QR Elshisi A.Tájıevpen áńgimesinde ol: «Elde shahmatqa úlken kóńil bólinýine oraı qazaqstandyq quramanyń oń nátıjelerge qol jetkizýi zańdy», - dedi. Ol Qazaqstanda blıts-shahmat jónindegi álemdik chempıonattar jáne áıelder arasyndaǵy komandalyq álemdik chempıonat sátti ótkenin tilge tıek etti. FIDE basshysy Qazaqstan álemdik deńgeıdegi osyndaı shahmat festıvalderin ótkizý úshin barlyq deńgeıde laıyqty dep aıryqsha atap ótti.
