Búkilálemdik shahmat olımpıadasy: Qazaqstan quramasy 2 kún qorytyndysynda 3-orynǵa taban tiredi
NUR-SULTAN. QazAqparat - Onlaın rejıminde ótip jatqan Búkilálemdik shahmat olımpıadasynyń ekinshi kúni qazaqstandyq shahmatshylar úshin sátti boldy. Qazaqstan quramasy barlyq úsh kezdesýde de jeńiske jetti, dep habarlaıdy QazAqparat tilshisi Qazaqstan shahmet federatsııasyna silteme jasap.
«Tórtinshi týrda Qazaqstan quramasynyń jas qatysýshysy Ramazan Jalmahanov senimdi ári ádemi oıyn órnegin kórsetip, norvegııalyq halyqaralyq sheber Haýga Iohanneske mundaı joǵary deńgeıdegi kezdesýde óte sırek kezdesetin mat qoıdy. Qazaqstan-Norvegııa matchy 4:2 esebimen qazaqstandyq shahmatshylardyń paıdasyna sheshildi», - delingen federatsııa habarlamasynda.
V týrda Qazaqstan quramasy Frantsııa quramasynan 6:0 esebimen basym tústi. Jarystyń ekinshi kúniniń sońǵy, 6-týrynda Qazaqstan quramasy top kóshbasshysy sanalǵan Ázerbaıjan quramasyn jeńdi. Qazaqstandyq grossmeıster Rýstam Hýsnýtdınova pen ázerbaıjandyq sýper-grossmeıster, 2019 jylǵy álem kýbogynyń ıegeri Teımýr Radjabanov arasyndaǵy oıyn teń aıaqtaldy. Halyqaralyq grossmeıster Gúlishan Nahbaeva men halyqaralyq sheber Denıs Mahnev te ázerbaıjandyq qarsylastaryna qarsy tamasha oıyn órnegin kórsetti. Denıs Mahnev «Aeroflot open-2020» halyqaralyq týrnıriniń jeńimpazy, halyqaralyq sheber Aıdın Sýleımanalıden basym tústi. Nátıjesinde ázerbaıjandyqtarmen oıyn 3,5:2,5 esebimen qazaqsandyqtardyń paıdasyna sheshildi.
Jarystyń eki kúniniń qorytyndysynda Qazaqstan quramasy V tobynda 3-orynǵa taban tiredi. Olımpıadanyń toptyq kezeńiniń 6 týrynan keıin bizdiń komandada 4 upaıdyń 3,5-in jınaǵan Denıs Mahnev pen Merýert Qamalıdenova úzdik nátıje kórsetti. Al Gúlishan Nahbaeva 3 upaıdy úsheýin de jınaı aldy.
