Búkilálemdik rýhanı mádenıet forýmyn qazaqstandyq brendke aınaldyrý qajet - T.Muhamedjanov
ASTANA. Qazannyń 20-sy. QazAqparat /Aıdar Ospanalıev/ - «Búkilálemdik rýhanı mádenıet forýmy óziniń nátıjesin berdi. Bul -jıynǵa qatysýshy azamattardyń pikirleri. Olardyń barlyǵynyń pikirleri bir jerden shyqty. Biz búgin osy jıyn boıynsha qorytyndy qujatymyzdy qabyldadyq. Alaıda ony áli de bolsa talqylaý qajet. Sondyqtan úndeýdi túpkilikti sheshim deýge bolmaıdy». Búgin Búkilálemdik rýhanı mádenıet forýmynan soń jýrnalıstermen kezdesken senator Tólegen Muhamedjanov osylaı dedi.
Onyń aıtýynsha, Qazaqstan halqy Assambleıasynyń 16 sessııasynda forým múshesi, áıgili ánshi Polat Bıýl-Bıýl Oǵly forýmdy eki jylda bir ret Astanada ótkizip turý qajet degen óziniń usynysyn aıtqan. «Bul árıne forýmǵa qatysýshylardyń pikiri. Olar Astanany dúnıejúziniń rýhanı astanasy retinde qabyldap, jıyn da osy jerde ótýi kerek degen oılaryn bildirdi. Jalpy, atalmysh forýmdy ótkizýdi bizden surap jatqan el kóp. Mysaly, biz búginge deıin jıyndy ótkizý týraly resmı túrde Úndistannan, Bolgarııadan hat aldyq. Sharany uıymdastyrýǵa reseılikter de peıildi ekendikterin bildirýde. ıAǵnı, forýmǵa degen umtylys bar. Al Polat Bıýl-Bıýl Oǵlynyń usynysy áli talqylanady degen oıdamyn. Jeke meniń pikirimshe jıyndy biz ózimiz uıymdastyryp, ony brendke aınaldyrýymyz kerek. Óıtkeni ol bizdiń elimizdi úlken abyroıǵa bóleıtin ıgi shara»,- dedi senator.
