Búkilálemdik rýhanı mádenıet forýmy adamzattyń rýhanı elıtasynyń kúshterin biriktirý maqsatynda qolǵa alynǵan shara -E. Saǵadıev
ASTANA. Qazannyń 19-y. QazAqparat /Aıdar Ospanalıev/ - «Adamzattyń bolashaqtaǵy qaýipsiz ári turaqty damýy onyń rýhanı mádenıetiniń deńgeıimen baılanysty. Al qazirgi zamandaǵy rýhanı mádenıet tereń daǵdarysta jatyr», dedi búgin Májilis depýtaty Kenjeǵalı Saǵadıev Májiliste «Jahandyq strategııalyq bastama» atty taqyrypta ótip jatqan Búkilálemdik rýhanı mádenıet forýmynyń sektsııalyq májilisinde.
Depýtattyń paıymdaýynsha, rýhanı mádenıettiń tómendigi qazirgi zamandaǵy eń ózekti máselelerdiń biri. Eger bul úderis osy qalpynda jalǵasa beretin bolsa, jaqyn bolashaqta ol adamzat órkenıetine eleýli qaýip tóndirmek. «Rım papasy Ioann Pavel II óler aldynda tap osy másele jóninde aıtap ketken edi. Álemniń túkpir-túkpirinde óte joǵary deńgeıde oılaı biletin azamattardyń barlyǵy qazir adamzattyń damýy rýhanı mádenıetpen baılanysty ekendigin moıyndap otyr. Soǵan oraı álemde túrli aktsııalar men jobalar júzege asyrylýda. Olardyń barlyǵy da rýhanı mádenıetti kóterýge baǵyttalǵan. Alaıda bul baǵyttaǵy is-qımyldar óte álsiz uıymdastyrylǵan. Bizdiń keshe ǵana ashylǵan Búkilálemdik rýhanı mádenıet forýmymyz adamzattyń rýhanı elıtasynyń basyn qosyp, olardyń kúshterin biriktirý maqsatynda qolǵa alynyp otyrǵan sharalardyń biri», - dedi depýtat.
