Búkilálemdik oıyndarda medal sany jóninen Qazaqstan on tórtinshi orynǵa kóterildi
NUR-SULTAN. QazAqparat - Karate-do sheberi Sofıa Berýltsevanyń altyn medalinen keıin 2022 jylǵy Búkilálem oıyndarynda Qazaqstan quramasy jalpy komandalyq esepte on tórtinshi orynǵa kóterildi, dep habarlaıdy QazAqparat tilshisi.
Aıta ketsek, búgin qazaqstandyq karate-do sheberi Sofıa Berýltseva Búkilálemdi oıyndarda 68 kelide fınalda ıspanııalyq Marııa Torres Garsııadan basym túsip, chempıondyq ataqqa qol jetkizdi .
Atalǵan medaldan keıin el quramasy jalpykomandalyq esepte on tórtinshi orynǵa kóterildi. Kósh basynda Kolýmbııa, Ýkraına, Japonııa quramalary keledi.
El quramasy sapynda 16 qazaqstandyq kıkboksıng, sadaq atý, mýaı-taı, djıý-djıtsý, sporttyq akrobatıka, breıkıng, karate-do sekildi sporttyń segiz túrinen júldege talasady.
Álemniń 110 elinen kelgen 3500-den astam atlet 34 sport túrinen 223 medal jıyntyǵyn sarapqa salady.
Búkálemdik oıyndar 1981 jyldan bastap 4 jylda bir márte turaqty túrde ótkizilip keledi. Aıtýly alaman Olımpıada oıyndarynan keıingi jyly jalaýyn kóteredi.
Ol 2001 jyldan bastap Halyqaralyq Olımpıada komıtetiniń qoldaýymen uıymdastyrylady.
