Búkilálemdik oıyndarda qazaqstandyq Galına Dývanova «kúmis» aldy
NUR-SULTAN. QazAqparat - 2022 jylǵy Búkilálemdik oıyndarynda qazaqstandyq Galına Dývanova djıý-djıtsýden kúmis medal aldy, dep habarlaıdy QazAqparat tilshisi.
Ol fınalǵa deıin jetip, onda ıspanııalyq sportshyǵa ese jiberip qoıdy. Nátıjesinde kúmis júldeni qanaǵat tutty.
Aıta ketsek, budan buryn qazaqstandyq karate-do sheberi Sofıa Berýltseva Búkilálemdik oıyndarda 68 kelide fınalda ıspanııalyq Marııa Torres Garsııadan basym túsip, chempıondyq ataqqa qol jetkizgen bolatyn. https://lenta.inform.kz/kz/bukilalemdik-oyyndarda-medal-sany-zhoninen-kazakstan-on-tortinshi-orynga-koterildi_a3953101
Eki medal alǵan Qazaqstan quramasy jalpy komandalyq esepte 35 orynda keledi. Kósh basynda Germanııa, Italııa, AQSh quramalary tur.
El quramasy sapynda 16 qazaqstandyq kıkboksıng, sadaq atý, mýaı-taı, djıý-djıtsý, sporttyq akrobatıka, breıkıng, karate-do sekildi sporttyń segiz túrinen júldege talasady.
Álemniń 110 elinen kelgen 3500-den astam atlet 34 sport túrinen 223 medal jıyntyǵyn sarapqa salady.
Búkilálem oıyndar 17 shildede máresine jetedi.
