Búkilálemdik Kardıotorokaldy hırýrgter qoǵamynyń forýmy Astanada ótýi múmkin
ASTANA. QazAqparat - 2017 jyly Búkilálemdik Kardıotorokaldy hırýrgter qoǵamynyń úlken forýmy Astanada ótýi múmkin. Bul týraly búgin Astanadaǵy ІІІ Ulttyq kardıohırýrgter kongresinde málim boldy.
«Ulttyq ǵylymı kardıohırýrgııa ortalyǵynyń basshysy maǵan jaqsy jańalyqty jetkizdi. Osy oraıda Búkilálemdik Kardıotorokaldy hırýrgter qoǵamynyń úlken forýmynyń 2017 jyly Astanada ótkizilýin kútemiz. Osyndaı sheshim qabyldansa, biz bul aıtýly sharaǵa daıyndalatyn bolamyz», - dedi QR Densaýlyq saqtaý jáne áleýmettik damý vıtse-mınıstri Serikbol Mýsınov.
Aıta keteıik, ІІІ Ulttyq kardıohırýrgter kongresine 500-den astam otandyq jáne sheteldik dárigerler, ǵalymdar men sarapshylar qatysýda. Olardyń arasynda 47 spıker - kardıologııa, kardıohırýrgııa salasyndaǵy álemdik tanymal mamandar.
Bul sharanyń maqsaty - tájirıbe, ıdeıa almasý úshin túrli elderdegi kardıohırýrgterdi biriktirý.
Kongresti Nazarbaev Ýnıversıteti men QR Densaýlyq saqtaý jáne áleýmettik damý mınıstrliginiń qoldaýymen Chıkago Ýnıversıteti jáne Búkilálemdik Kardıtorokaldy hırýrgter qoǵamymen yntymaqtasa otyryp, «Ulttyq ǵylymı kardıohırýrgııa ortalyǵy» AQ uıymdastyrdy.
