Búkilálemdik boks serııasynyń jańa maýsymy qashan bastalady
ASTANA. QazAqparat - «Astana arlandary» óner kórsetetin Búkilálemdik boks serııasynyń (WSB) jańa maýsymy aqpan aıynyń birinshi aptasynda bastalady, dep habarlaıdy QazAqparat.
«WSB» jobasynyń resmı saıty taratqan málimetke súıensek, jańa maýsymda dodaǵa 11 komanda qatysady.
WSB jobasynyń chempıony elordalyq «Astana arlandary» Azııa aımaǵyndaǵy topta Qytaı, Úndistan jáne Reseı boksshylarymen kezdesedi. «Qytaı aıdaharlary» men «Reseı patrıottary» bul jobada buǵan deıin óner kórsetse, úndistandyq komandanyń áli resmı aty da quramy da belgisiz.
Úndistandyq klýb bıyl jobaǵa qatysýdan tas tartqan «Ózbek jolbarystary» komandasynyń ornyn basyp otyr. Al eýropalyq komandalar arasynda jańadan Horvatııanyń komandasy qosyldy. Amerıka qurylyǵynda Argentına eliniń komandasy joq.
Esterińizge sala keteıik, «Astana arlandary» - WSB jobasynda bul serııany úsh ret jeńse, taǵy tórt ret kúmis júldeger atandy. Eki ret kýbolyq boksshylar top jarsa, Frantsııa men Italııa komandalary bir-bir retten jeńiske jetti.
