Búkilálemdik boks serııasynyń fınalynda Mılan men Máskeý qalalarynyń komandalary kezdespek
ALMATY. 31 naýryz. QazAqparat - Keshe Máskeýde Búkilálemdik boks serııasy (WSB) aıasynda Máskeýdiń "Dınamosy" men "Astana arlandary" komandalarynyń jartylaı fınaldyq oıyndarynyń qarymta kezdesýi ótti.
Ol qazaqstandyqtardyń ózbekstandyq legıoneri Rafıkjon Sýltonov reseılikterdiń tájikstandyq legıoneri Anvar ıÝnýsovtyń jekpe-jegimen bastaldy. WSB reıtınginde altynshy orynda kele jatqan Anvar ózinen jıyrma saty artta kele jatqan Rafıkjonnan Astanada ketken esesin qaıtara aldy. Odan keıin WSB reıtınginde 25-orynda turǵan Erjan Músápirov 1-satyda turǵan Adlan Abdýrashıdovtyń (61 kg) osal tusyn taba almady. Mundaı jaǵdaı Qanat Islam men Maksım Gazızov (73 kg) arasyndaǵy kezdesýde de qaıtalandy. Reıtıngte 7-orynda turǵan Maksım 15-satyda kele jatqan Qanattan 48:47, 48:47, 48:47 esebimen aılasyn asyryp ketti. Odan keıin qazaqstandyqtardyń 85 keli salmaqtaǵy aljırlik legıoneri Abdelhafıd Benchabla (WSB - 8) da ýkraınalyq Oleksandr Gvozdıkten (WSB - 11) dál osyndaı eseppen jeńilis tapty. Asa aýyr salmaqtaǵy aljırlik Shýaıb Bolodınats (WSB - 4) pen Vıtalıı Kýdýhov ( WSB - 11) arasyndaǵy aqtyq kezdesýde tehnıkalyq nokaýtpen reseılik kezekti jeńisine qol jetkizdi. Qorytyndy esep 0:5. Endi mamyr aıynda Londonda ótetin aqtyq fınalda Mılan men Máskeý qalasynyń komandalary kezdespek. Mılandyqtar da jartylaı fınaldaǵy alǵashqy kezdesýde bakýlikterge 2:3 esebimen utylǵan edi, keshe óz alańyndaǵy qarymta kezdesýde 5:0 esebimen ese qaıtara aldy.
