Búkilálemdik boks serııasynyń aqtyq synynda óner kórsetetin sportshylardyń esimi belgili boldy
GÝıANG. 6 mamyr. QazAqparat /Erlik Erjanuly/ - Búgin Qytaıdyń Gýıang qalasynda bokstan Qazaqstannyń «Astana arlandary» men Frantsııanyń «Parıj ıýnaıted» komandalary arasynda Búkilálemdik boks serııasynyń aqtyq saıystary bastalady.
Onda óner kórsetetin qos komanda óz quramyn keshe Tehnıkalyq komıtettiń májilisinde jarııalady. Sondaı-aq keshe keshqurym sportshylar medıtsınalyq tekserýden ótkizilip, salmaq ólsheý rásimi jasaldy.
«Astana arlandary» komandasynyń bas dırektory Bolat Makenovtyń aıtýynsha, Eýrosport telearnasy arqyly tikeleı efırde kórsetiletin bul sharany, odan bólek otyzǵa jýyq eldiń telearnalary da óz kórermenderine usynǵaly otyr. Ony joǵary deńgeıde ótkizý úshin Qytaı eli 200-deı eriktilerdi jumyldyryp, jarysty nasıhattaýǵa túrli elderden kelgen 100 jýyq jýrnalısterge akkredıtatsııa jasalǵan.
Jarystyń alǵashqy kúni Qanat Ábýtálipov pen frantsýzdardyń grýzııalyq legıoneri Gıorgı Kılanov (54 kg), Mereı Aqshalov pen Rashıd Azzedın (61 kg), Qanat Silám men Stefan Nevas (73 kg), ózbekstandyq Ramjon Ahmedov pen horvatııalyq Sep Hrvoje (85 kg), Rýslan Myrsataev pen Tonı Ioka (+91 kg) judyryq túıistiredi. Al erteń Mırjan Rahymjanov pen ırlandııalyq Djon Djozef Nevın, Erjan Músápirov pen aljırlik Abdelkadyr Shadı, Baqyt Sársekbaev pen Mıshel Tavares, Marat Molagereev pen Abdýlkader Býhenıa jáne ózbekstandyq Sardor Abdýllaev pen horvatııalyq Fılıpp Hrgovıch jekpe-jekke shyǵady. Onda jeńimpaz komanda 500 myń dollar, jeńilgen komanda 150 myń AQSh dollaryna ıe bolady. Sonymen qatar úzdik boksshy, úzdik menedjer men úzdik bapkerge arnaıy syı-cııapattar jasalady dep josparlanýda.
