Búkilálemdik boks serııasy dodalarda tórelik barysynda kompıýterden bas tartýy tıis - «Astana arlandarynyń» basshylyǵy
ASTANA. QazAqparat - WSB-nyń aldaǵy konferentsııasynda uıymdastyrýshylardan kompıýterlik tehnıkany paıdalanbaı, tórelik jasaýdyń burynǵy ádisterine kóshýdi talap etemiz.
Bul týraly búgin Búkilálemdik boks serııasynda (WSB) «Astana arlandarynyń» IV maýsymyn qorytyndylaýǵa arnalǵan konferentsııada komandanyń bas dırektory Bolat Mankenov málim etti.
«Bul joba jalǵasyn tabýy tıis, sebebi ol shynymen de ınnovatsııalyq. 5-6 maýsym aıynda bul tartysty dodanyń kelesi maýsymy boıynsha WSB-niń úlken konferentsııasy ótedi. Biz onda klýbtyń ǵana emes, sonymen qatar jankúıerlerdiń de máselelerin kótermekpiz. Sonymen qatar onda jobanyń keıbir kemshilikteri, onyń ishinde tórelik jasaý máseleleri qaralady», - dedi B. Mankenov.
Onyń sózine qaraǵanda, klýb basshylyǵy tórelikke baılanysty birqatar usynystardy daıarlap otyr.
«Osy oraıda ol tórelik boıynsha burynǵy erejelerge qaıta oralýǵa basymdyq bermekpiz. Búginde búıirdegi bes tóreshi shaqyrylyp, osy tóreshilerdiń sheshimi qabyldanady, sodan keıin eki tóreshiniń sheshimi kompıýtermen elenip, jeńimpaz tańdalady. Bul turǵyda biz úshin túsiniksiz kóptegen másele bar. Osy oraıda tóreshilerdiń sheshimi ashyq ári túsinikti bolýyn qalaımyz. ıAǵnı, daýly máseleler týyndaǵan kezde uıymdastyrýshylardyń kompıýterge nemese qandaı da bir tehnıkaǵa súıenýi orynsyz», - dedi «Astana arlandary» komandasynyń bas dırektory.
