Búkilálemdik boks keńesi (WBC) Mıgel Kottony Golovkın-Rýbıo jubynyń jeńimpazymen kezdesýge mindettedi
ALMATY. QazAqparat- Búkilálemdik boks keńesi (WBC) osy uıymnyń nusqasy boıynsha orta salmaq dárejesindegi Álem chempıony Mıgel Anhel Kottony WBA (Búkilálemdik boks qaýymdastyǵy) nusqasy boıynsha orta salmaq dárejesindegi ( 72,574 kg deıin) Álem chempıony qazaqstandyq Gennadıı Golovkın men WBS nusqasy boıynsha orta salmaq dárejesindegi (72,574 kg deıin) ýaqytsha Álem chempıony meksıkalyq Marko Antonıo Rýbıo arasyndaǵy jeńimpazǵa qarsy óz ataǵyn saqtap úshin kezdesý ótkizýge mindettedi.
Aıta ketelik, Mıgel Kotto ústimizdegi jyly maýsym aıynda Argentınalyq boksshy Serhıo Martınesti aıqyn basymdyqpen jeńip, WBC nusqasy boıynsha orta salmaq dárejesindegi Álem chempıony atanǵan bolatyn. Sodan beri Kotto Golovkınmen kezdesýge eshbir nıet bildirgen emes.
Biraq onyń jattyqtyrýshysy Freddı Roých óz sózinde:
«Golovkın áli naǵyz boks juldyzy emes. Sondyqtan onymen kezdesý - Kottoǵa anaý aıtqandaı tabys ákelmeıdi, - degen bolatyn.
Al Kottonyń ózi taıaýda meksıkalyq boksshy WBC nusqasy boıynsha birinshi orta salmaq dárejesindegi burynǵy Álem chempıony meksıkalyq Saýl Alvarespen kezdeskisi keletindigin jetkizdi. Biraq bul úshin oǵan endi óziniń bıyl jeńip alǵan chempıondyq ataǵynan bas tartýyna týra keledi.
