Búkilálemdik boks keńesi Golovkınniń kezekti qarsylasyn anyqtady
ASTANA. QazAqparat - Búkilálemdik boks keńesi Gennadıı Golovkınniń kezekti qarsylasyn anyqtady. GGG endi argentınalyq Horhe Heıland (28-4-2, 15 KO) pen amerıkalyq Djermall Charlo (25-0, 19 KO) arasyndaǵy kezdesýdiń jeńimpazymen judyryqtasady. Bul týraly Vestı.kz portaly ESPN Deportes portalyna silteme jasap habarlaıdy.
Bul jekpe-jekte Búkilálemdik boks keńesiniń (WBC) belbeýi sarapqa salynady.
Eske salaıyq, Charlo buǵan deıin 69,9 keli salmaqtaǵy IBF tujyrymy boıynsha álem chempıony ataǵynan bas tartyp, orta salmaqqa aýysqanyn habarlaǵan edi. Ol óziniń sońǵy kezdesýin ótken jyldyń jeltoqsan aıynda ótkizip, Djýlıan Ýılmstan ústem tústi.
Heıland bolsa birneshe ýaqyttan beri orta salmaqta WBC reıtınginde kósh bastap keledi. Biraq áli de chempıondyq belbeý úshin jekpe-jek ótkizgen joq.
vRINGe.com portalynyń taratqan málimeti boıynsha, bul eki boksshy arasynda ótetin kezdesýdiń jeńimpazy aldaǵy ýaqytta qazaqstandyq boksshy Gennadıı Golovkınmen kezdesý kerek bolady.
