Búkilálemdik banktiń prezıdenti qyzmetine úsh úmitker usynyldy
ASTANA. 26 naýryz. QazAqparat - Búkilálemdik bank halyqaralyq qarjy uıymynyń basshysy laýazymyna úsh úmitkerdi usyndy, onyń qazirgi prezıdenti Robert Zellık bıylǵy jyly maýsymda qyzmetinen ketedi,
dep habarlady Ýtro.rý agenttigi.
AQSh-tan úmitker bolyp, Dartmýt kolledjiniń prezıdenti Ońtústik Koreıadan shyqqan Djım En Kım usynyldy. Sarapshylardyń pikirinshe, bul tańdaý jarııa emes dástúrge narazy damýshy elderdiń tarapynan aıtylyp júrgen synǵa tosqaýyl qoımaq. Buǵan deıin Búkilálemdik bank prezıdentine AQSh ókili, al Halyqaralyq valıýta qorynyń basshylyǵyna eýrapalyq taǵaıyndalyp kelgen bolatyn. Damýshy elderden taǵy eki úmitkerdiń qatarynda Nıgerııanyń qarjy mınıstri Ngozı Okono Iveala men Kolýmbııanyń burynǵy qarjy mınıstri Hose Antonıo Okampo bar.
Jańa prezıdent 2012 jylǵy sáýirde ótetin Búkilálemdik bank pen Halyqaralyq valıýta qory basshy organdarynyń kóktemgi sessııasynda saılanady dep kútilýde.
