Búkilálemdik bank Qytaıda aýqymdy daǵdarys bolatynyn boljady
ASTANA. 24 aqpan. QazAqparat - Qytaıda el úkimeti ekonomıkadaǵy memleket úlesin azaıtý jóninde tereń reformalardy bastamasa álemdik daǵdarys oryn alýy múmkin.
Búkilálemdik bank óziniń «Qytaı 2030» atty baıandamasynda osyndaı qorytyndy jasady, dep habarlady RBK agenttigi.
Sarapshylardyń pikirinshe, iri memlekettik korporatsııalardy kádimgi kommertsııalyq kásiporyndar sııaqty jumys isteýge májbúrleý jáne ulttyq ekonomıkadaǵy memlekettiń rólin azaıtý qajet. Qytaıda jyl saıynǵy ІJÓ ósimi 10 paıyzdy qurap otyr, alaıda bul kórsetkish bıyl 8 paıyz kóleminde bolady dep boljanýda. Tıisti reformalar jasalmasa, odan ári bul kórsetkishtiń azaıa túsýi sózsiz, dep sanaıdy Búkilálemdik bank.
Qytaıdaǵy daǵdarys jańa tolyq aýqymdaǵy álemdik ekonomıkalyq daǵdarysqa soqtyrady. Japonııa men Eýropa retsessııamen betpe-bet kelip otyr, AQSh-ta ósim mardymsyz, endigi basty úmit QHR bolmaq.
