Búkilálemdik bank Qazaqstanda quny 1 mlrd dollardy quraıtyn 2 jobany qarjylandyrmaq
«Biz qalpyna kelý kezeńinde Qazaqstanǵa kómek beretin eki jobany daıyndap jatyrmyz. Birinshisi, quny 500 mln AQSh dollary bolatyn joba mal sharýashylyǵyn qalpyna keltirýge kómektesedi. Malmen aınalysatyn usaq sharýalardy qoldaýǵa baǵyttalǵan. Úkimet mal sharýashylyǵy fermerlerin qoldaýǵa baǵyttalǵan baǵdarlama qura alady. Bul joba Qazaqstandaǵy azyq-túlik qaýipsizdigi úshin asa mańyzdy», - dedi Búkilálemdik banktiń Ortalyq Azııa boıynsha óńirlik dırektory Lılııa Býrýnchýk.
Onyń aıtýynsha, budan bólek taǵy tsıfrlyq damý jáne jasandy ıntellektini damytý boıynsha joba qolǵa alynyp jatyr. Búginde onyń quny shamamen 500 mln AQSh dollary.
Banktiń Ortalyq Azııa boıynsha jetekshi ekonomısi Ivaılo Izvorskıdiń aıtýynsha, Ortalyq Azııadaǵy ekonomıkalyq ahýal álemdegi ekonomıkalyq jaǵdaıǵa tikeleı baılanysty.
«Munaı baǵasy óte tómen deńgeıde. Álemde munaıǵa suranys usynystan góri azaıdy. Munaı baǵasy 2-3 jyl boıy biz kútken baǵadan tómen turýy múmkin», - dedi I.Izvorskı.
