Búkilálemdik áskerı oıyndarda qazaqstandyqtar eki qola medal jeńip aldy

NUR-SULTAN. QazAqparat - Ýhan qalasynda ótip jatqan VII Búkilálemdik áskerı oıyndarda Qazaqstan Qarýly Kúshteriniń qorjyny eki qola medalmen tolyqty. Grek-rım kúresinen armııa sportshylary júldeger atandy, dep habarlaıdy QazAqparat Qorǵanys mınıstrliginiń baspasóz qyzmetine silteme jasap.

60 kelige deıingi salmaq dárejesindegi jarysta QR Qorǵanys mınıstrligi Armııa ortalyq sport klýbynyń sportshysy Aıdos Sultanǵalı úshinshi oryndy ıelendi. Ol Úndistan palýany, 2019 jylǵy Azııa Chempıonatynyń qola júldegeri Gıanendera Dahııany 6:3 esebimen jeńdi.

76 kelige deıingi salmaqta armııa sportshysy Gúlmaral Erkebaeva Lıtva chempıony Greta Steponıteni 10:0 esebimen jeńip, el qorjynyna ekinshi «qolany» ákeldi.

Bes kúndik jarys qorytyndysymen medal sany jaǵynan oıyn qojaıyny – Qytaı kósh bastap tur. Qazaqstan quramasynyń qorjynynda – bir altyn, bir kúmis jáne úsh qola bar.