Búkilálemdik antıdopıng agenttiginiń vıtse-prezıdenti qaıtys boldy
ASTANA. QazAqparat - Ońtústik Afrıka Respýblıkasynda búkilálemdik antıdopıng agenttiginiń (WADA) vıtse-prezıdenti Mahenkezı Arnold Stofıle qaıtys boldy, dep habarlady RIA Novostı.
Onyń jasy 72-de bolǵan jáne sońǵy kúnderin aýrýhanada ótkizgen.
2004-2010 jyldary Stofıle OAR Sport mınıstrligin basqardy, keıinirek WADA Atqarý komıtetiniń múshesi boldy. Al 2013 jyly oǵan agenttiktiń vıtse-prezıdenti bolýǵa usynys jasaldy. Bul qyzmetke 2014 jyldyń qańtar aıynda keldi.
«WADA Stofıleniń ómir boıy sport isi men ońtústikafrıkalyq qoǵamnyń qalyptasýyna zor úles qosqanyn moıyndaıdy», - dep málimdedi agenttik basshysy Kreıg Rıdı.
