Búkil Temirtaýdyń jylý júıesine tot basqan qubyr salmaq bolǵan basshy 8 jylǵa sottaldy
QARAǴANDY. QazAqparat - Temirtaý qalalyq soty «Oqjetpes-T» JShS memlekettik kommýnaldyq kásipornynyń burynǵy dırektory Erlan Óteshevti 8 jylǵa bas bostandyǵynan aıyrý jazasyna kesti, dep habarlaıdy «QazAqparat» HAA tilshisi.
Ol búkil Temirtaý qalasyn jylýmen qamtamasyz etý úshin alynatyn jańa qubyrlardyń ornyna tot basqan eski qubyrlardy paıdalanbaq bolǵan.
Sýdıa Aıdar Mıhıbaev is materıaldarymen tanysyp shyǵyp, Óteshevtiń QR Qylmystyq kodeksiniń 189-baby, 4-bóligine sáıkes qylmysy dáleldendi degen qorytyndyǵa keldi.
Ekinshi sottalýshy - «QazTemirStıl» JShS menedjeri Andreıa Sklıarenkoǵa úkim jeke tártipte oqylady. Sýdıa oǵan qatysty bólek is óndirisin ashqan. Óıtkeni ol prokýratýramen aıybyn moıyndaý týraly óndiristik kelisimge kelgen. Sklıarenkoǵa 6 jyl bas bostandyǵyn shekteý jazasy berilýi múmkin. Túrmeden qutylýyna onyń prokýratýramen yntymaqtastyq jasaǵany jáne qazirdiń ózinde jetkizilgen materıaldyq zalaldyń ornyn jaýyp jatqany sebep boldy.
Býhgalterlik sot saraptamasynyń anyqtaýynsha, memlekettik kompanııaǵa osy alaıaqtyq isten 27 mıllıon 575 myń 416 teńge zııan kelgen.
