Búkil respýblıkalyq mańyzy bar avtojoldar ashyq
ASTANA. QazAqparat - 19 jeltoqsannan 20 jeltoqsanǵa qaraǵan túni Batys Qazaqstan jáne Aqtóbe óńirlerinde respýblıkalyq mańyzy bar tasjoldardyń birneshe ýchaskeleri jabyq bolǵan edi, dep habarlaıdy QazAqparat.
«QazAvtoJol» ulttyq kompanııasy málimetinshe, jolshylar qysqy kútip-ustaý jumystaryn atqaryp, kóktaıǵaqqa qarsy 200 m3-ten astam materıal paıdalanǵan.
Respýblıkalyq mańyzy bar avtojoldarda arnaıy tehnıka jumysyn jalǵastyryp jatyr.
Jelide 200-den astam jolshy eńbektenip júr. Respýblıkalyq mańyzy bar tasjoldar ashyq.
