Búkil ómirin aýyl mektebine arnaǵan KSRO Oqý isi úzdiginiń kitaby jaryq kórdi
ALMATY. 17 aqpan. QazAqparat /Erlik Erjanuly/ - Búgin Almatydaǵy QR Tuńǵysh Prezıdenti qorynda ustaz, jazýshy, jýrnalıst Máshúr Jálılovtyń "Ana jýtým - soǵýlmas ılham" (Ana jurtym - sarqylmas shabytym) dep atalatyn kitabynyń tusaýkeseri ótti.
Qazaqstan Jazýshylar odaǵynyń jáne Jýrnalıster odaǵynyń múshesi, KSRO Oqý isiniń úzdigi, jýrnalıst, jazýshy Máshúr Jálıluly 1930 jyly 28 jeltoqsanda Uıǵyr aýdanynyń Ketpen aýylynda dúnıege kelip, 1994 jyly 64 jasynda dúnıeden ozǵan edi.
"M. Jálılov búkil ómirin aýyl mektebine arnaǵan ádisker, psıholog jáne ulaǵatty ustaz boldy. Eńbek jolyn bastaýysh synyp muǵalimi bolyp bastap, dırektordyń oqý isi jónindegi orynbasaryna deıin jumys jasady. 1999 jyly Úkimet qaýlysymen ózi qyzmet jasaǵan Almaty oblysy Uıǵyr aýdany Ketpen aýylyndaǵy orta mektepke Máshúr Jálelov esimi berildi. Jaqynda onda ustazdyń 80 jyldyǵy atap ótildi", - deıdi M.Jálelov atyndaǵy Ketpen orta mektebiniń dırektory Toqan Álibekov.
Onyń aıtýynsha, Máshúr Jálılovtyń buǵan deıin kózi tirisinde "Arzý", "Bıh", "Tepılǵan bloknot", "Dııarım menıń", "Tıanshan sadaları" dep atalatyn 5 kitaby jaryq kórgen. "Ana jýtým - soǵýlmas ılham" dep atalatyn bul kitapqa ár jyldary uıǵyr, qazaq tilderinde jazylǵan óleńderi, baspasózde jaryq kórgen maqalalary jáne Máshúr Jálıluly týraly merzimdi baspasózde jaryq kórgen maqalalar men estelikter jınaqtalǵan.
