Búkil ómirim búgingi Elbasymen 1 saǵattyq kezdesýime teń - M.Shırhanova
ASTANA. QazAqparat - Búkil ómirim búgingi Elbasymen 1 saǵattyq kezdesýime teń, deıdi Aqordada Halyqaralyq áıelder kúnine oraı Memleket basshysy Nursultan Nazarbaevtyń Qazaqstannyń áıelder qaýymy ókilderimen «Kóktem shýaǵy» atty kezdesýine qatysqan saǵat jóndeý sheberi Mavlıýda Shırhanova.
«Ata-babamnan qalǵan saǵat jóndeýshi mamandyǵyn jalǵastyryp kelemin. Meniń búkil ómirim búgingi Elbasy Nursultan Nazarbaevpen bir saǵattyq kezdesýime teń desem artyq aıtqanym emes. Almatydan kelgenshe bul júzdesýdi ázil áreketteı sezinip kelgen edim. Júregimde qýanysh, sezimimdi jetkizý qıyndaý bolyp tur», - degen ol barsha qazaqstandyq áıelderde kele jatqan 8 Naýryz halyqaralyq áıelder kúnimen quttyqtap, otbasylaryna baqyt tileıtindigin jetkizdi.
Aıta keteıik, M.Shırhanova Almaty qalasynda saǵat jóndeý sheberi bolyp jumys isteıdi. Osy ýaqytqa deıin ol 250 myńnan astam saǵat jóndegen. Ata-babasynan mura bolyp qalǵan saǵat sheberi mamandyǵyn uly men nemeresi de jalǵastyryp keledi.
