Búkil qala qatyp qaldy deıtindeı jappaı apat bolǵan joq - Roman Sklıar
«Ekibastuzda barlyǵy 689 kópqabatty turǵyn úı bar. 15 jylytý pýnkti ashyldy. Árıne, turǵyndardyń kóbi páterlerinde boldy. Turǵyndardyń 30 paıyzy bolatyn shyǵar, radıatorlar aýystyrylǵan kezde múlikterin kúzetip, úılerinde qaldy. Biraq búkil qala qatyp qaldy deıtindeı jappaı apat bolǵan joq», - dedi ol.
Onyń málimeti boıynsha, negizinen qalanyń úsh shaǵyn aýdanynda turǵyndar jylýsyz qalǵan.
«Qatyp jatqan Ekibastuz» degen sózdi úsh shaǵyn aýdanǵa qaratyp aıtsa bolady. Iá, bul óte kóp – 5100 páter, sonda turyp jatqan jáne 7-10 kún boıy jylýsyz qalǵan 13 myń turǵyn bar. Apat kezinde 149 úı birden jylý júıesinen ajyratylǵan. Onyń ishinde 79 úı birinshi kúni-aq qaıta jalǵandy. 70 úıde jumys jalǵasyp jatty. Kelisetin shyǵarsyzdar, 79 kópqabatty úı men 70 kópqabatty úı degen ár túrli sandar. Taǵy da qaıtalap aıtam, búkil qala qatyp qaldy deý kem degende durys emes», - dedi vıtse-Premer.
Sondaı-aq, ol apat kezinde Ekibastuzda qalaı jumys istegenin aıtty.
«Men júzdegen páterdi aralap shyqtym. Shtab jylý-elektr ortalyǵynda ornalasty. Men óz mindetimdi qalaı kerek dep eseptesem, solaı atqardym. Erte tańnan bastap tún ortasyna deıin júrdim. Jalǵyz men emes, búkil shtab jumys istedi. Onyń quramyna Ekibastuzdaǵy qala túzýshi iri kásiporyndardyń basshylary kirdi jáne osy jumystardy atqardy», - dedi Roman Sklıar.
