Búkil álemdi dúbirge bólegen 7-Qysqy Azııa oıyndary búgin Alataýdyń baýraıynda óz máresine jetip otyr - A.Esimov
ATY. 6 aqpan. QazAqparat /Ádilet Musahaev/ - Bul kún sheber oıyndarymen barsha jurtshylyqty qýanyshqa bólegen sportshylar men jankúıer bolyp kelgen qazaq eliniń qurmetti qonaqtar úshin de, sizderdi aq nıetpen qarsy alǵan qazaqstandyqtar úshin de sáýleli sát dep oılaımyn.
Bul jaıynda Almaty qalasynyń ákimi Ahmetjan Esimov 7-Qysqy Azııa oıyndarynyń jabylý saltanatynda aıtty.
Qala ákimi ardaqty almatylyqtar, qadirli qonaqtar, keshe ǵana Astanada alaýyn jaǵyp, búkil álemdi dúbirge bólegen 7-Qysqy Azııa oıyndary búgin Alataýdyń baýraıynda óz máresine jetip otyr deı kele: «Biz az ǵana ýaqyt ishinde kóptegen dostastyq, yntymaǵymyz artyp, birligimiz nyǵaıdy. Sporttyq jetistikterimizben birge qýanyp, jetken jetistikterimizdi túıindep, ótken jylǵy EQYU sammıtin ótkizgendeı Qazaqstan dańqy álem aqparatynda taǵy da qalyqtady. Munyń barlyǵy Elbasyn júrgizip otyrǵan sarabdal saıasatynyń kórinisi», - dep atap ótti óz sózinde qala ákimi.
A.Esimov álemdik ekonomıkalyq daǵdarysqa qaramastan, Azıada oıyndaryn joǵary deńgeıde ótkizýge bastamashysy bolǵan Elbasy Nursultan Nazarbaevtyń zor qajyr-qaıratyn erekshe atap ótti.
