Búkil álem Qazaqstandy sporttyq jáne mádenıeti baı el retinde tanydy - Hýseın ál-Mýssalam
ALMATY. 6 aqpan. QazAqparat /Erlik Erjanuly/ - Qazaqstan 7-qysqy Azııa oıyndarynda ózderiniń joǵary daıyndyǵyn kórsetti.
Azııalyq Olımpıada keńesiniń bas jáne tehnıkalyq dırektory Hýseın ál-Mýssalam búgin Almatyda ótken baspasóz máslıhatynda osylaı málimdedi.
«Biz bul jarys Astana men Almaty qalalarynda ótetin bolǵan kezde qatty alańdap edik. Qazaqstan úkimetimen tyǵyz qatynasta kóp jumys jasaldy. Olımpıada qozǵalysynyń Azııanyń mádenıetine qosar úlesi óte qomaqty. 7-qysqy Azııa oıyndary arqyly Qazaqstan sporttyq el ekenin jáne mádenıeti baı memleket ekendigin kúlli álemge pash etti», - deıdi Hýseın ál-Mýssalam.
Onyń aıtýynsha, Qazaqstan bul jarysqa óte joǵary deńgeıde ázirlengenin kórsetti.
