Búkil álem boıynsha qyzylsha aýrýyna shaldyqqandar sany kúrt artqan
«Dúnıejúzilik densaýlyq saqtaý uıymynyń habarlaýynsha, 2019 jyldyń alǵashqy úsh aıynda búkil álem boıynsha qyzylsha aýrýy byltyrǵy jyldyń osy kezeńimen salystyrǵanda tórt ese kóbeıgen. Al BUU qyzylsha aýrýy álemniń túkpir-túkpirinde tirkelip jatqanyn habarlaǵan» dep jazady basylym.
Avtordyń aıtýynsha, Afrıkada qyzylsha aýrýy 700 paıyzǵa artqan.
«Mamandar bul resmı tirkelgen derek bolǵanymen, jaǵdaı odan da beter ýshyǵyp turǵanyn aıtýda. Olardyń oıynsha, búkil álemde on aýrýdyń bireýi qyzylshaǵa shaldyqqan degen derekter bar» deıdi avtor.
Aıta ketý kerek, qyzylsha - joǵary ınfektsııaly vırýsty aýrý. Ol asqynyp ketken jaǵdaıda mı men ókpe ınfektsııasyna alyp kelýi múmkin. Bul aýrýdan eń kóp zardap shekken memleketter qatarynda Ýkraına, Madagaskar men Úndistan tur. Avtordyń aıtýynsha, bul memlekette mıllıon adamǵa shaqqanda on myń adamda qyzylsha tirkelgen.
Dúnıejúzilik densaýlyq saqtaý uıymynyń habarlaýynsha, dúnıe júzi boıynsha 170 memleket qyzylshanyń 112 163 jaǵdaıyn habarlaǵan. Al 2018 jyldyń dál osy kezeńinde 163 memlekette 28 124 adam qyzylsha juqtyrǵan.
