Buqashyqtar men qoshqarlardy eksportqa shyǵarýǵa kvota engizildi

ASTANA. QazAqparat - QR Aýyl sharýashylyǵy mınıstriniń buıryǵyna sáıkes, 2022 jylǵy 31 jeltoqsannan bastap, Qazaqstanda aýyl sharýashylyǵy janýarlaryn shetelge eksporttaýdyń jańa erejeleri kúshine endi.

Bul týraly QazAqparat QR Aýyl sharýashylyǵy mınıstrliginiń baspasóz qyzmetine silteme jasap habarlaıdy.

Jańa erejelerge sáıkes kelesi sandyq shekteýler engizildi:

- Qazaqstan aýmaǵynan úshinshi elderge jáne Eýrazııalyq ekonomıkalyq odaq memleketterine (EAEO syrtqy ekonomıkalyq qyzmetiniń taýar nomenklatýrasynyń kody 0102) 60 000 bastan aspaıtyn buqashyqty shyǵarýǵa;

- Qazaqstan aýmaǵynan úshinshi elderge jáne EAEO memleketterine (taýar nomenklatýrasynyń kody 0104) 120 000 bastan aspaıtyn qoshqardy shyǵarýǵa ruqsat.

Buıryqqa sáıkes kvotalar tek 12 aıdan asqan buqalar men 6 aıdan asqan qoshqarlarǵa belgilenedi, sondaı-aq analyq malǵa qoldanylmaıdy.

ІQM boıynsha bir bordaqylaý alańyna 500, bir taýar óndirýshige 200 bas, al usaq mal boıynsha bir bordaqylaý alańyna 1000, bir taýar óndirýshige 500 mal basyna kvota alýyna ruqsat.

«Búgingi tańda eksportqa baǵyttalǵan 602 bas iri qara mal karantınge qoıyldy»,-delingen habarlamada.