Buqaralyq sportty damytý baǵytynda aýqymdy reformalar qajet - halyqaralyq konferentsııa
ANA. 4 aqpan. QazAqparat /Jasulan Amanbaıuly/ - Búgin Astanada L.Gýmılev atyndaǵy EUÝ-de 7-Qysqy Azııa oıyndaryna arnalǵan «Dene tárbıesi jáne sporttyń qazirgi kezeńdegi ózekti máseleleri» taqyrybynda halyqaralyq konferentsııa ótti.
Konferentsııa jumysyna Reseı, Ýkraına elderinen kelgen ǵalymdar men sport mamandary, Qazaqstannyń jattyqtyrýshylary men sarapshylar, Álem birinshilikteriniń, Olımpıada oıyndarynyń júldegerleri qatysty.
Onda buqaralyq sporttyń órisin keńeıtý, teorııalyq máseleler jáne sporttyq jobalardyń iske asyrylýy tájirıbeleri talqylandy.
«Qazaqstan ekonomıkada ǵana emes, sportta, saıasatta reforma jasaı alatynyn, oǵan tolyq quqyǵy bar ekendigin dáleldedi. Astana men Almaty qalalaryndaǵy jabyq sporttyq keshender, basseınder, shańǵy joldary men tramplınderdiń salynýy elimizdiń ekonomıkalyq áleýeti men onyń halyqaralyq sahnadaǵy bedelin aıqyndaı tústi. Biz - dene tárbıesi salasynyń adamdary memlekette sportqa degen qoldaýdy sezinemiz», -deıdi EUÝ-diń sport kafedrasynyń meńgerýshisi, dotsent Asqar Jumadilhanov.
Onyń aıtýynsha, buqaralyq sportty damytý baǵytynda aýqymdy reformalardy qolǵa alý kerek. Ol úshin, A. Jumadilhanov, eldiń shalǵaı eldi mekenderinde, aýdandarda jáne aýyldarda jasandy sport alańdaryn salý, sporttyq kooperatıvterdi jáne árbir aýlada sporttyq klýbtardy qurý arqyly qoǵamdy sportqa jáne dene tárbıesine tartýdy qolǵa alý qajet dep sanaıdy.
«Naryqtyq ekonomıka bolǵandyqtan, ol klýbtar ózin-ózi basqarý júıesimen jumys jasaýy kerek. Klýbtarda aýla turǵyndary qatarynan óz ujymy qurylýy tıis. Sonymen qatar olar túrli jobalarǵa belsendi aralasyp, tartylyp otyrýy qajet. Sonda ǵana biz balalardy, jastardy buqaralyq sportqa baýlı alamyz», - dep atap kórsetti ol.
Jıyn sońynda konferentsııaǵa qatysýshylar tıisti qarar qabyldady. Sport jáne dene tárbıesi salasynyń teorııasyna, oqý zerthanalaryn ashýǵa jáne rekreatsııalyq bólimshelerdi qurýǵa qatysty naqty usynystar ákimdikterge, JOO-nyń basshylaryna, ǵylymı-zertteý ortalyqtaryna joldanady.
