Buqaralyq sport: 2 myńnan astam oraldyq júgirý sharasyna qatysty
ORAL. QazAqparat - Búgin Oral qalalyq mádenıet jáne demalys saıabaǵynda Jańa jyl merekesine oraı kópshilik júgirý sharasy ótti, dep habarlaıdy «QazAqparat» tilshisi.
Oǵan oblys pen qala basshylary bastaǵan eki myńnan astam qala turǵyny qatysty.
Kópshilikpen birge 2,5 myń metr qashyqtyqty júgirip ótken oblys ákimi Altaı Kólginov márede jınalǵandardy Jańa jyl merekesimen quttyqtap, atalmysh sharanyń Elbasy Nursultan Nazarbaevtyń buqaralyq sportty damytý týraly tapsyrmasyna sáıkes uıymdastyrylǵanyn jetkizdi.
Turǵyndar arasynda salaýatty ómir saltyn ornyqtyrý maqsatynda sondaı-aq velosherý jáne shańǵy joryqtary ótkizilip kele jatqany belgili. Oblys sportshylary 2017 jyly dúnıejúzilik, qurlyqtyq jáne respýblıkalyq jarystarda kóptegen medaldardy jeńip aldy. Óńirde sport túrlerin barynsha damytýǵa kóńil bólinýde. 2018 jyly Ońtústik Koreıanyń Phenchhan qalasynda qysqy Olımpıada oıyndary ótedi. Sondyqtan búgingi shara tórt jylda bir ret ótetin osy aıtýly dodaǵa qatysyp, el namysyn qorǵaıtyn Qazaqstan sportshylaryna arnalyp otyr.
Sharadan keıin lotereıa oınatylyp, utys ıeleri baǵaly syılyqtarǵa ıe boldy.
Aıta keteıik, aldaǵy qysqy Olımpıada oıyndarynda Batys Qazaqstannan short-trek sheberleri Nurbergen Jumaǵazıev pen Abzal Ájiǵalıev óner kórsetpekshi.
