Buqaralyq is-sharalar barysynda teris minez-qulyq tanytqandar jaýapqa tartylady - QR ІІM
ASTANA. QazAqparat - Buqaralyq is-sharalar barysynda teris minez-qulyq tanytqandar jaýapqa tartylady. Bul týraly búgin Májiliste «Qazaqstan Respýblıkasynyń keıbir zańnamalyq aktilerine sporttyq-buqaralyq, mádenı oıyn-saýyq jáne basqa da is-sharalar ótkizý kezinde qaýipsizdikti qamtamasyz etý máseleleri boıynsha ózgerister men tolyqtyrýlar engizý týraly» zań jobasyn talqylaý barysynda málim boldy.
Qujat sporttyq-buqaralyq, mádenı oıyn-saýyq jáne basqa da is-sharalaryn uıymdastyrýǵa, ótkizýge baılanysty quqyqtyq qatynastardy retteýge baǵyttalady. Bul rette sharalardy ótkizý úshin jergilikti atqarýshy organdar uıymdastyrý komıtetterin quratyn bolady. Olar sharalardy ótkizýge tartylǵan uıymdardyń qyzmetin úılestiredi. Jeke tulǵalardyń mádenıet, dene shynyqtyrý, sport salasyndaǵy quqyqtary men mindetteri aıqyndalyp, olardyń sharalarǵa barýy kezindegi tyıym salýlary men shekteýleri keńeıtiledi. «Osyǵan baılanysty jeke tulǵalarǵa atalǵan sharalardaǵy minez-qulyqtyń qaǵıdalaryn buzǵany úshin ákimshilik jaýaptylyq engiziledi. Budan bólek, biz buqaralyq sharalardy ótkizýge qatysty qoǵamdyq qaýipsizdik, tótenshe jaǵdaılar jelisi boıynsha erejelerdi buzǵany úshin ondaı sharalardy júzege asyrýǵa tyıym salatyn bolamyz», - dedi Іshki ister mınıstri Qalmuhanbet Qasymov. Eske sala keteıik, jalpy otyrysta palata depýtattary atalǵan zań jobasyn birinshi oqylymda maquldady.
