Buqaralyq aqparat quraldaryndaǵy memlekettik tapsyrys týraly alqaly jıyn ótedi
ALMATY. 27 maýsym. QazAqparat - Astanada 3 shildede «BAQ-taǵy memlekettik tapsyrystyń máseleleri men bolashaǵy» degen taqyrypta dóńgelek ústel jıyny ótedi.
Bul sharany «Quqyqtyq medıa-ortalyq» qoǵamdyq qory, Qazaqstandaǵy Ulybrıtanııa elshiligi men Soros-Qazaqstan qory birlesip uıymdastyryp otyr. Oǵan qazaqstandyq medıa-zańgerler, tilshiler, BAQ ıeleri, úkimettik emes uıymdar, memlekettik organdar men halyqaralyq uıymdardyń ókilderi jáne Reseı, Latvııa, Grýzııadan halyqaralyq medıa-sarapshylar qatysady. Maqsat - BAQ-taǵy memlekettik tapsyrystyń aıqyndylyǵy men tıimdiligin arttyrý jónindegi tájirıbelik usynystardy ázirleý.
Jyl saıyn tek QR Mádenıet jáne aqparat mınıstrligi tarapynan ǵana memlekettik aqparattyq saıasatty júrgizýge qazaqstandyq BAQ-tarǵa 2 mıllıard teńgeden astam qarajat bólinedi. Budan bólek shamamen dál osyndaı kólemdegi qarjy jergilikti bıýdjetten qarastyrylady. Bul alqaly jıynǵa qatysýshylar - Bıýdjet qarajatyn jumsaý tıimdiligi qalaı esepteledi? Qazirgi júıe otandyq medıa-naryqtaǵy básekelestiktiń damýyna óz úlesin qosyp jatyr ma degen sııaqty ózekti saýaldardy birlesip talqylaıdy. Shara kezinde sońǵy jyldary Qazaqstandaǵy aqparattyq saıasatty júrgizýge memlekettik tapsyrys alýshylardyń elektrondy bazasy da tanystyrylady. Sondaı-aq halyqaralyq Article 19 uıymy daıyndaǵan, osy saladaǵy eýropalyq tájirıbe saraptamasy talqyǵa salynady.
