Buqaralyq aqparat quraldary reıtıng qýmaýy kerek - Aqparat jáne muraǵat komıtetiniń tóraǵasy

ALMATY. 27 qarasha. QazAqparat - Memlekettik medıa salasyna qatysý men memlekettik tapsyrys eki túrli másele. Bul týraly QR Mádenıet jáne aqparat mınıstrliginiń Aqparat jáne muraǵat komıtetiniń tóraǵasy Bolat Qalıanbekov búgin Almatyda «Kontent, tehnologııalar jáne tabys tabý úrdisterindegi ózgerister» degen taqyryppen ótip jatqan Qazaqstannyń BAQ naryǵyn damytý máseleleri jónindegi VI konferentsııada aıtty.

«Birinshi jeltoqsannan bastap búkil telearnalar 50/50 erejesin qatań saqtaıtyn bolady. Ony mınıstrdiń ózi qatań baqylaýǵa aldy. Memlekettik tapsyrys júıesi óte tıimdi dep oılaımyn. Ol paıda tabý kózi emes. Buqaralyq aqparat quraldary reıtıngti qýmaýy kerek», - dedi B. Qalıanbekov. Onyń aıtýynsha, medıa salasyna qatysý men memlekettik tapsyrys eki túrli másele. Máselen qazir aqparat quraldary quqyq qorǵaý organy qyzmetkeriniń kólikpen balany basyp ketkenin kórsetedi de, onyń 24 saǵat jumys istegenin kórsetpeıdi. Sondyqtan mundaı jáıttardyń jaı-japsaryn tolyq ashyp kórsetý qajet. Qazir bul máselelerge qatysty ártúrli usynystar túsip, olar qarastyrylýda.