Buqara halyqtyń shaǵymdaný júıesin nyǵaıtý kerek - Elbasy

ASTANA. QazAqparat - Buqara halyqtyń shaǵymdaný júıesin nyǵaıtý kerek. Búgin Astanadaǵy Táýelsizdik saraıynda «Nur Otan» partııasynyń kezekti XVI sezi barysynda Elbasy Nursultan Nazarbaev osylaı aıtty.

«Buqara halyqtyń shaǵymdaný júıesin nyǵaıtý kerek. Qyzmetkerdiń áreketterine shaǵymdanýǵa qatysty azamattardyń múmkindigi zańnama aıasynda keńeıtilýi kerek. Budan bólek, qoǵamda ózin-ózi retteýdiń tetigin keńinen engizýdi qamtamasyz etý qajet. Sondyqtan memlekettik organdardyń jaýapkershilik aýmaǵyn birtindep, satylap qysqartyp, oǵan qatysty áleýmettik mánge ıe qyzmetterdiń ókilettigin azamattyq qoǵam ınstıtýttaryna berýge tıispiz», - dedi N.Nazarbaev.

Elbasynyń sózine qaraǵanda, azamattyq qoǵamdy damyta túsýdiń oń nátıjelerine qol jetkizilgen soń baryp, jergilikti atqarýshy bıliktiń saılanbalylyǵy týraly máseleni sheshýge bolady.

«Osyndaı sharalardyń bárin satylap júzege asyrǵannan soń ǵana Prezıdentten Parlamentke jáne Úkimetke qaraı bıliktik ókilettikterdi qaıta bólýdi qarastyratyn konstıtýtsııalyq reformalar júzege asýy shart. Bul rette bizdiń burynnan qalyptasqan dástúrimiz de esepke alynýy tıis», - dedi N.Nazarbaev.

Bul rette Elbasy atalǵan bes baǵyttaǵy reformalar jınaqtala kele, Qazaqstannyń memlekettigin nyǵaıtyp, álemniń damyǵan otyz eline kirý maqsatyna septigin tıgizetinin atap ótti.