Buqar jyraý aýdanynda joǵalǵan balalar tabyldy
QARAǴANDY. QazAqparat - Qaraǵandy oblysynyń Buqar jyraý aýdanyndaǵy Qýshoqy kentinde 50-den astam adam joǵalyp ketken eki balany túnimen izdedi, dep habarlaıdy QazAqparat tilshisi.
7 qazan keshki 19.00-de «112» pýltine Qýshoqy kentinde 12 jáne 13 jastaǵy eki uldyń joǵalyp ketkeni týraly habar kelip túsken. Balalardyń týystarynyń aıtýynsha, eki ul malǵa ketip, qaıtyp oralmaǵan.
Іzdestirý-qutqarý jumysyna Qaraǵandy oblysy TJ departamentiniń 21 qyzmetkeri, 2 kınologııalyq top, 4 tehnıka, sondaı-aq polıtsııa bóliminiń, jergilikti atqarýshy organdardyń qyzmetkerleri jáne jergilikti turǵyndar qatysty. Balalar barýy múmkin barlyq oryn qaraldy.
«Balalardy izdeý toby 8 qazanda tańerteń saǵat 10: 25-te Qýshoqy kentindegi qaraýsyz qalǵan úıden taýyp alǵan. Tabylǵan eki jasóspirim ata-analaryna tabystaldy. Olarǵa medıtsınalyq kómekti qajet bolmady», - dep málimdedi Qaraǵandy oblysynyń TJD baspasóz qyzmeti.
