Býhgalterler odaǵy «Halyq býhgalteri» bastamasyna óz mamandaryn tegin usynbaqshy

ASTANA. KAZINFORM — Býhgalterler odaǵynyń tóraǵasy Mereke Jumatov Úkimet otyrysynda «Halyq býhgalteri» bastamasyna tegin úles qosatyndaryn málim etti.

— Biz Qarjy mınıstrliginiń bastamasyn qoldaımyz jáne óz resýrstarymyz ben aýdıtorııalarymyzdy, onlaın alańdarymyzdy, tálimgerlerimizdi aqysyz negizde usynamyz. Bizdiń akkredıttelgen oqý ortalyqtarymyzdyń Memlekettik kirister komıtetimen birlese otyryp bıznesti kezeń-kezeńmen daıyndaýǵa arnalǵan jol kartasyn ázirlep jatyr, — dedi ol Úkimet otyrysynda.

Onyń aıtýyna qaraǵanda, odaq ókilderi Astana men aımaqtarda jańa salyq talaptary týraly semınarlar men onlaın kýrstar uıymdastyrmaqshy.

— Kásipkerlerge arnalǵan ádistemelik usynymdardy, tekserý paraqtaryn daıyndaımyz. Árbir kásipker jeke kómek alatyn onlaın keńes berý alańdaryn iske qosamyz, — dedi Mereke Jumatov.

Aıta keteıik, búgingi Úkimet otyrysynda mıkro jáne shaǵyn bıznesti qoldaý sharalaryn talqylandy.