Býharestpen aradaǵy seriktestikti joǵary deńgeıge kóterýge múddelimiz - QR Prezıdenti
ASTANA. QazAqparat - Qazaqstan Rýmynııamen aradaǵy yntymaqtastyq pen seriktestikti joǵary deńgeıge kóterýge múddeli. Bul týraly búgin Aqordada birqatar shet memlekettiń Tótenshe jáne Ókiletti Elshisinen senim gramotasyn qabyldaǵan QR Prezıdenti Nursultan Nazarbaev aıtty, dep habarlaıdy QazAqparat.
«Elimiz Shyǵys Eýropadaǵy mańyzdy seriktes Rýmynııamen ózara tıimdi yntymaqtastyqty odan ary damytýǵa múddeli. Rýmynııa ekonomıkasynyń energetıka salasynda Qazaqstan salǵan ınvestıtsııa memleketterimiz arasyndaǵy korporatsııanyń aıshyqty aıǵaǵy bolyp sanalady. Biz Býharestpen aradaǵy yntymaqtastyq pen seriktestikti joǵary deńgeıge kóterýge múddelimiz», - dedi Nursultan Nazarbaev Rýmynııa Elshisi Chezar-Manole Armıanýǵa qarata.
Aıta keterligi Memleket basshysyna Rýmynııa Elshisinen bólek Ońtústik Koreıa Elshisi Kım De Sık, Indonezııa Elshisi Rahmat Pramono, Serbııa Elshisi Vladan Matıch senim gramotasyn tabys etken bolatyn.
Senim gramotasyn qabyldaý rásimi aıaqtalǵan soń Elshilerge sóz arnaǵan Qazaqstan Prezıdenti egemendigimizdiń 25 jyldyq tarıhynda Qazaqstan sheteldik seriktestermen syndarly dıalog ornatqanyn basa aıtty.
«Sol arqyly elimiz beıbit ómir, qaýipsizdikti saqtaý isine zor úlesin qosyp keledi. Sizderdiń memleketterińizben aradaǵy qarym-qatynasta da eleýli jetistikterimiz bar. Qazaqstandaǵy dıplomatııalyq qyzmetterińiz resmı túrde bastalýymen shyn júregimmen quttyqtaımyn. Bul óte bir tarıhı jaǵdaıda óteıin dep otyr. Sizderdiń jumystaryńyz elderimiz araasyndaǵy yntymaqtastyqty odan ary damytýǵa yqpalyn tıgizedi dep senemin», - dedi Elbasy.
