Býharestegi jarylys saldarynan zardap shekkender sany 200-ge jýyqtady
ASTANA. QazAqparat - Býhareste Colectivý túngi klýbyndaǵy jarylystan bolǵan órt saldarynan zardap shekkender sany 200-ge jýyqtady, dep habarlady jýrnalısterge Rýmynııanyń ishki ister mınıstri Gabrıel Oprıa.
Budan buryn órt kezinde 80-nen astam adamnyń zardap shekkeni týraly jazylǵan edi, dep jazady RIA «Novostı». Oqıǵa kezinde klýbta 300-400 aralyǵynda adam bolǵan.
Órt shyǵý sebebi Goodbye to Gravity tobynyń óner kórsetýi barysynda qoldanylǵan otshashý bolýy múmkin.
Eldiń ІІM-niń habarlaýynsha, jaralanǵandar kóp. Qazirgi kezde 180 adamnyń japa shekkeni anyqtaldy. Olar Býharestiń aýdandyq aýrýhanalaryna jetkizildi. 26 adam kóz jumdy. Oqıǵaǵa qatysty qylmystyq is qozǵaldy.
