Býhareste túngi klýbta oryn alǵan órt qurbandarynyń sany 60 adamǵa jetti
ASTANA. QazAqparat - Rýmynııa astanasyndaǵy Colectiv túngi klýbynda bolǵan órt saldarynan zardap shekken taǵy bir adam kóz jumdy. Jeksenbi kúni tańerteń 19 jasar jigit qaıtys boldy, dep habarlaıdy TASS. Odan buryn Germanııadaǵy klınıkada 28 jasar áıel, al senbi kúni Býhareste 22 jasar jigit kóz jumǵan edi.
Eske salaıyq, 31 qazan kúni túnde Býhareste Colectivý túngi klýbyndaǵy jarylystan bolǵan órt saldarynan 200-ge jýyq adam zardap shekken. Oqıǵa kezinde klýbta 500-ge jýyq adam bolǵan. Órt shyǵý sebebi Goodbye to Gravity tobynyń óner kórsetýi barysynda qoldanylǵan otshashý bolǵan. Qazirgi sátte Býharestegi klınıkalarda oqıǵadan zardap shekken 44 adam emdelýde, dárigerler tarapynan olardyń 13-iniń jaǵdaıy aýyr, al 7 asa aýyr kúıde dep baǵalanyp otyr. Shetelderde 28 adam emdelýde.
