Býhareste Nıkolae Chaýsheský men onyń áıeliniń qorymyna eksgýmatsııa jasaldy
ASTANA. Shildeniń 21-i. QazAqparat - Rýmynııanyń burynǵy dıktatory Nıkolae Chaýsheský men áıeliniń deneleriniń solardiki ekendigin anyqtaý úshin, Býharestiń Genshe zıratyna kómilgen múrdeler qaıta qazylyp alyndy, dep habarlaıdy Vestı.Rý.
Eksgýmatsııa burynǵy dıktatordyń otbasy músheleriniń ótinishi boıynsha jasalyp otyr, Chaýsheskýdiń qyzy Zoıa Mırche Oprannyń kúıeýi búgin rýmyn teledıdaryna bergen suhbatynda «qabirdegi denelerdiń attary atalǵan adamdardiki ekendigine kóz jetkizgimiz keledi», dep aıtty. Deneler saraptaýdan ótken soń, olar sol oryndaryna qaıta jerlenedi, dep habarlaıdy agenttik.
Nıkolae Chaýsheský 1965 jyldan 1989 jylǵa deıin el basqardy. 1989 jyldyń jeltoqsanyndaǵy buqaralyq jappaı ereýilden soń ol, áıeli ekeýi elden qashqanymen, kóp uzamaı qolǵa túsken olardy burynǵy seriktesteri jedel sottan keıin olardy atý jazasyna kesti.
Bıliktiń málimeti boıynsha, olardyń denesi rýmyn astanasynyń shetindegi Genshe atalatyn áskerı zıratqa jerlengen. Alaıda, Býharestiń zırat ákimshiligi Nıkolae Chaýsheský men Elena Chaýsheskýdiń jerlengen oryny týraly eshqandaı qujattyń joq ekendigin birneshe ret aıtqan.
