Býharest perzenthanasyndaǵy jarylysta náresteler qaza tapty
ASTANA. Tamyzdyń 17-si. QazAqparat - Rýmynııa astanasy Býharest qalasyndaǵy perzenthanada qaıǵyly oqıǵa boldy.
Perzenthanada jarylys oryn alyp, sonyń saldarynan birneshe náreste qaza tapty, dep habarlaıdy RBK agenttigi.
Rýmynııa Densaýlyq saqtaý mınıstrliginiń resmı ókili Raed Arafatqa silteme jasaı otyryp Associated Press agenttiginiń habarlaýynsha, tótenshe oqıǵa saldarynan úsh sábı kóz jumdy. Alaıda qurbandar sanynyń artýy da múmkin. Taǵy da 8 jańa týylǵan sábı men aıaǵy aýyr eki áıeldi ártúrli deńgeıde kúıik shalǵan.
Zardap shekkenderdiń barlyǵy jedel túrde Jýlesht perzenthanasynan basqa qalalyq aýrýhanalarǵa jetkizildi.
Neden bolǵanyn tergeý amaldary anyqtaıtyn jarylys perzenthananyń ekinshi qabatynda bolǵan. Jarylystan keıin órtke ulasqan.
Rýmynııa polıtsııasy tekserýdi bastady.
