Býharest qalasynda Qazaqstannyń Táýelsizdik kúni toılandy
ASTANA. QazAqparat - 9 jeltoqsan kúni Rýmynııa astanasy Býharest qalasynda QR Rýmynııadaǵy Elshiliginiń uıymdastyrýymen Qazaqstan Respýblıkasy Táýelsizdiginiń 23 jyldyǵyna oraı resmı saltanatty qabyldaý ótti, dep habarlady QR SІM baspasóz qyzmetinen.
Saltanatty qabyldaýǵa 200-den astam adam qatysty. Jınalǵan qurmetti meımandar ishinde Úkimet músheleri, Rýmynııa Parlamenti Senaty jáne Depýtattar palatasynyń depýtattary, Syrtqy saıası vedomstvosynyń basshylyǵy jáne mınıstrlik pen memlekettik organdar ókilderi qatysty.
Jıynda dıplomatııalyq korpýstyń, halyqaralyq uıymdardyń, isker jáne akademııalyq toptardyń, sondaı-aq qoǵamdyq uıymdardyń ókilderi Qazaqstanǵa degen qurmetin kórsetti.
QR Rýmynııadaǵy Tótenshe jáne Ókiletti Elshisi Dáýlet Batyrashev óz sózinde Astana men Býharest arasyndaǵy ekijaqty qatynastardyń serpindi damýyn, túrli saladaǵy ózara tıimdi yntymaqtastyq artyp kele jatqanyn atap ótti.
Qazaqstandyq dıplomat Memleket basshysy Nursultan Nazarbaevtyń «Nurly Jol - Bolashaqqa bastar jol» - Jańa ekonomıkalyq saıasaty týraly jáne «Qazaqstan-2050» strategııalyq baǵdarlamasy týraly aıtty.
Rýmynııanyń Syrtqy ister mınıstri Bogdan Aýreský memleketterdiń ekijaqty qatynastaryndaǵy damý qarqyny men ekonomıkalyq baılanystardyń odan da arta túsýine toqtaldy.
«Qazaqstan - Rýmynııanyń Ortalyq Azııa óńirindegi strategııalyq áriptesi. Qazirgi tańda, eki el arasyndaǵy tyǵyz baılanys jáne de resmı Býharest Qazaqstanmen saýda qatynasyn ulǵaıtýǵa asa yntaly», - dedi B.Aýreský. Ulttyq merekege oraı QR Elshiligi merekelik kontsert uıymdastyryp, shaqyrylǵan qonaqtar belgili kúıshi Aıgúl Úlkenbaevanyń jáne Samat Qarabalaevtyń oryndaýyndaǵy ulttyq mýzykamen tanysty. Jıynda Qazaqstan týraly kitaptar taratylyp, Táýelsizdik jyldaryndaǵy Qazaqstannyń damýy týraly beınesıýjet kórsetildi.
