Býharest qalasynda qazaq kınosynyń festıvali ótti
ASTANA. QazAqparat - Býharest qalasynda 23-25 qazanda Qazaqstan men Rýmynııa arasyndaǵy dıplomatııalyq qatynastardyń ornatylǵanynyń 25-jyldyǵyna arnalǵan qazaq kınosynyń 3-i festıvali ótti, dep habarlaıdy QR SІM saıty.
Іs-shara Qazaqstannyń Rýmynııadaǵy Elshiligimen, «KMG Interneshnl» kompanııasynyń qoldaýymen, Sháken Aımanov atyndaǵy «Qazaqfılm» kınostýdııasy, Rýmynııanyń mádenıet ınstıtýty jáne Býharest qalasyndaǵy Frantsýz mádenıet ınstıtýtynyń járdemimen uıymdastyryldy.
Úsh kún ishinde áıgili Qazaqstan kınorejısserleriniń 5 shyǵarmasy kórsetildi: Rústem Ábdirashevtiń «Qazaq handyǵy: almas qylysh», Aqan Sataevtyń «Anaǵa aparar jol», Sábıt Kurmanbekovtyń «Oralman», Ermek Tursynovtyń «Jat» jáne Erlan Nurmuhambetovtyń «Jańǵaq tal».
Festıvaldyń saltanatty ashylýynda Qazaqstannyń Rýmynııadaǵy Elshisi Dáýlet Batyrashev, qazaq kınematografymen tanysýdyń arqasynda rýmyn kórermenderiniń Qazaqstan halyqtarynyń tarıhyn, mádenıetin jáne dástúrlerin jaqynyraq tanýǵa múmkindik bolatyndyǵyn, bul arqyly eki el arasyndaǵy mádenı-gýmanıtarlyq almasýdy damytýǵa qomaqty úles qosylatyndyǵyn aıtty.
Rýmyn qaýymymen bolǵan jyly kezdesýdiń barysynda festıvaldiń qurmetti qonaqtary - Іńkár Ábdirash («Qazaq handyǵy: almas qylysh) jáne Altynaı Nógerbek (Anaǵa aparar jol) kıno juldyzdary fılmderdiń túsirilimi týraly áńgimeledi.
Festıval qonaqtary - saıası jáne mádenı qaıratkerler, sondaı-aq tirkelgen dıplomatııalyq korpýs ókilderi fılmderdiń bostandyq pen táýelsizdik úshin kúreske tolyqqan memlekettiliginiń uqsas tarıhyn qosa alǵanda, Qazaqstan men Rýmynııa halyqtarynyń ortaq qasıetteri mol ekendigin kórsetetindigin atap ótti.
Aǵymdaǵy jyldyń qarasha aıynda Rýmynııanyń iri qalalarynda - Konstantsa men Klýj-Napokada Qazaq kınosynyń tunǵysh festıvalderi uıymdastyrylýy josparlanýda.
Aıta ketken jón, Qazaq handyǵynyń 550-jyldyǵyna arnalǵan qazaq kınosynyń tunǵysh festıvaly 2015 jyldyń qarashasynda Býharest qalasynda ótti. Al 2016 jyldyń 29 qyrkúıegi men 1 qazany aralyǵynda osy qalada Qazaqstan Respýblıkasy Táýelsizdiginiń 25 jyldyǵyna arnalǵan qazaq kınosynyń ekinshi festıvali uıymdastyrylǵan bolatyn.
