Býharest qalasynda aptap ystyqqa baılanysty jumys kúni qysqartyldy

ASTANA. KAZINFORM – Býharest qalasynda aptap ystyqtan kóptegen uıym, kompanııa qyzmetkerleriniń jumys ýaqyty qysqaryp, jumysshylar úılerine erte qaıtyp jatyr. Bul týraly Euronews jazdy. 

Qolaısyz aýa raıynan qaladaǵy meıramhanalar men kafede jumys isteıtin qyzmetkerler zardap shegýde. 

«Aýa temperatýrasy 50 gradýs bolýy ábden múmkin, ólshep kórgen joqpyn. Soǵan qaramastan kezektesip jumys isteýdemiz. Biz bul ystyqqa tótep bere alamyz», - dedi bas aspaz ıÝstıan Manea.

Mı qaınatar ystyq kezinde jedel járdem shaqyrýshylar sany artqan. Aıtalyq, dúısenbiniń ózinde 1 300-den astam adam dárigerdiń kómegine júgingen. 

Meteorologtar Býharest qalasyndaǵy qatty ystyq aýa raıy kem degende eki kúnge sozylady dep boljam jasady.