Buharada irgesi XVI ǵasyrda qalanǵan medreseniń qabyrǵasy qulady
BUHARA. ÓzA-QazAqparat - Buharadaǵy 16 ǵasyrda irgesi qalanǵan Abdýllahan medresesi qabyrǵasynyń bir bóligi qulap tústi, dep habarlaıdy QazAqparat ÓzA agenttigine silteme jasap.
Buqara oblysy ákimdigi baspasóz qyzmetiniń habarlaýynsha, buǵan kópjyldyq tehnogendik protsester (ystyq jáne sýyq klımat, jaýyn-shashyn men jer asty sýlarynyń kóterilýi) sebep bolǵan.
Osy jaǵdaıǵa oraı Mádenı mura agenttiginiń oblystyq departamenti, Buhara qalasy ákimshiligi, restavratorlar men mamandardan turatyn jumys toby qurylyp, jergilikti jerde zertteý júrgizilgen. Onyń negizinde Abdýllahan medresesiniń artqy qabyrǵasynyń qulaǵan bóligin belgilengen tártipte qalpyna keltirý jáne qajetti jumystardy uıymdastyrý isteri bastaldy.
«Bul rette ǵalymdar, restavratorlar men bilikti mamandar Buharadaǵy tehnogendik protsesterdiń áserinen erozııaǵa jáne qulaýǵa beıim 40 mádenı mura obektileriniń saqtalýyn zerttep, qorytyndy boıynsha Úkimetke naqty usynystar jiberildi», delingen habarlamada.
Sonymen qatar, osy jaǵdaı boıynsha prokýratýra tergeý jumystaryn bastady.
