Buhara qalasyna Túrki álemi jastary bastamalarynyń alǵashqy astanasy mártebesi berildi
Forýmnyń ashylýynda Túrki memleketteri uıymynyń Bas hatshysy Baǵdad Ámireev Buhara qalasyna «Túrki álemi jastary bastamalarynyń alǵashqy astanasy» mártebesin berý týraly resmı sertıfıkatty tapsyrdy.
Sonymen qatar, bul kúnderi «Túrki áleminiń jastar saıabaǵy» jáne «Buhara – túrki álemi jastary bastamalarynyń alǵashqy astanasy» monýmenti ashyldy.
Forým jumysyna Qazaqstan atynan Prezıdent janyndaǵy jastar saıasaty jónindegi keńestiń músheleri, «Táýelsizdik urpaqtary» grantynyń ıegerleri, mýzyka, sport, kreatıvti ındýstrııa jáne IT salalarynda jetistikke jetken talantty jastar delegatsııasy qatysty.
«Іs-sharada jas kóshbasshylar 4 ózekti baǵyt: qoǵam, ǵylym, mádenıet jáne medıa jobalar boıynsha ózderiniń eń úzdik jobalaryn tanystyrdy. Úzdik spıkerlerdiń qatarynda «Aѕar-Ume» qaıyrymdylyq qorynyń jetekshisi Ashat Nurmashev baspanaǵa muqtaj jandarǵa qoldaý kórsetetý qyzmetin tanystyrdy. Bul qor halyqtyń kómegimen jınalǵan qarajatqa muqtaj adamdardy baspanamen qamtamasyz etetinin aıtty. Jobaǵa basqa elderdiń jastary qyzǵýshylyq tanytyp, bolashaqta osyndaı jobalardy birlesip júzege asyrýǵa nıet bildirdi. «Laıf-nıýs» áleýmettik jobasynyń jetekshisi Dınara Naýmova tirek-qımyl apparaty buzylǵan jas tulǵalardy ońaltý jaıynda oı bólisti», - deıdi ABQO Basqarma tóraǵasynyń orynbasary Jasulan Bısembıev.
Aıta keteıik, jas kóshbasshylar forýmy 2018 jyldan beri dástúrli túrde ótkizilip keledi. Osy ýaqytqa deıin forým Ázerbaıjan, Qazaqstan jáne Qyrǵyzstanda ótti. Kelesisi Túrkııanyń Býrsa qalasynda ótedi dep josparlanyp otyr.
Sondaı-aq, túrki áleminde 2022 jyl - jastar bastamalaryn qoldaý jyly uranymen ótip jatyr.
