Buǵyny atqan sát túsirilgen atyshýly vıdeony Aýylsharýashylyq mınıstrligi tekseredi
ASTANA. QazAqparat - QR Aýyl sharýashylyǵy mınıstrligi Orman sharýashylyǵy men janýarlar álemi komıteti barlyq oblystardaǵy aýmaqtyq ınspektsııalarǵa vıdeoǵa túsirilip, Jelide taraǵan buǵyny atý oqıǵasynyń zańdy ekendigin tekserýdi tapsyrdy, dep habarlaıdy «QazAqparat» HAA tilshisi.
«Sonymen qatar, janýardyń qaı túrge jáne onyń ishinde qandaı túrshege jatatyndyǵyn anyqtaý maqsatynda QR Bilim jáne ǵylym mınıstrligi Zoologııa ınstıtýtyna saýal jiberildi», - dep aıtylady QazAqparattyń resmı saýalynyń jaýabynda.
Feısbýk áleýmettik jelisinde jarııalanǵan vıdeo qoldanýshylardyń narazylyǵyn týdyrdy.
Keıbireýlerdiń boljaýynsha, vıdeoda óltirilgen janýar - QR Qyzyl kitabyna engen toǵaı buǵysy. Búginde Qazaqstanda ondaı nebári 716 buǵy bar.
